أهلا و مرحبا بك في منتداك منتدي هندسة الفيوم
تفضل بالدخول عزيزي العضو و ان لم تكن عضوا
يسعدنا جدا أن تكون واحدا من عائلتنا



 
بوابتناالرئيسيةبحـثقائمة الاعضاءالمجموعاتاليوميةالتسجيلمكتبة الصوردخولس .و .ج
شارك معانا من فضلك ولا تكون سلبيا في اعاده تطوير وهيكله المنتدي من فضلك قم باضافه رايك والي شايفه منوجه نظرك وهنسمعك ونحاول ننفذ باذن الله

شاطر | 
 

 معجزة – عودة صلاح الدين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زائر
زائر



مُساهمةموضوع: معجزة – عودة صلاح الدين   الجمعة يناير 16, 2009 10:07 pm





في القرآن ربّك قال للناس: "ادعوني"
علشان هوا كريم وبيِدّي
وف رمضان الناس بتصلّي
تملا الجامع في التراويح
وإْمامهم يدعي ويعيّط
واللي وراه بيقولوا: "آمين"
عارفين كانوا بيدعوا بإيه؟
كانوا كل صلاه بيقولوا:
يا الله
رجّع لينا صلاح الدين...
يا الله
دا احنا بشوق مستنيّين
يا الله
لو جالنا هنقوم واقفين
يا الله
نمشى وراه ونكون طايعين
يا الله
و نحرّر أرض فلسطين
يا الله
بس ييجيلْنا صلاح الدين
يا الله...
*******
ربك دايماً..
ربّ قلوب
بيحبّ العبد اللي بيطلب
وامّا لقى الملايين بيقولوا
رجّع لينا صلاح الدين
سبحانُه.. حقّق رغبتهم
ولقينا الأرض بتنشقّ...!!!
قُدرة ربّك
مين هيكدّب ويقول: "لأ"؟!
ولقينا فارس من نور
وحصانه بيجري ويْدُور
وف إيده السيف المتعافي
استعجِبنا...!!!
وسألناه: "انت اسمك إيه؟!"
قال بالفُصحى:
أنا يا قومِ صلاحُ الدينْ
قد أحياني اللهُ القادرُ
حين دعوتم
أنْ يبعثَني اللهُ إليكم
ها أنا ذا
قد جئتُ إليكم
لكنْ نُبّئتُ بأخبارٍ عنكم سيّئةٍ للغاية
كيف رضيتم أن يُنتهَك الأقصى فيكم؟!
كيف سمحتم للأعداءِ بهذا الأمر؟!
كيف تركتم بيتَ المقدس؟!
كيف قَبِلْتُم عَيْشَ الذلّةِ بينَ الناسْ؟!
إنى مِتُّ وأرضُ القدسِ مُطهّرةٌ من كل خبيث
وتركتُ الأقصى من زمنٍ.. منصوراً.. مرفوعَ الراسْ
فتنازلتم أنتم عنه... للأنجاسْ!!
لكن... لا بأسَ... فقد عُدْتُ
وسنُرجِعُ جيشَ الإسلام
جيشٌ سوف يقودُ العالَم
أنتم.. جُنده..
هيا قوموا...
سوف نحاربُ.. حتى الموتْ
هل مِن أحدٍ يُبدي رأياً فيما قُلت؟"
*******
كل الناس كانت ف ذهول
م اللي بيحصل
واحد فيهم
اتقدّم لصلاح الدين
قال: "اسمحلي
إنت صلاح الدين وانا عارف
لكن آسف...
ما اقدرش أحارب ويّاك
أحسن أنا على وِشّ جواز
عايز اشوفلي يومين ف الدنيا
أبقى عريس..
أفرح واتمتّع و أهِيص
لكن حرب؟!!!
سلامُو عليكم... أنا مش فاضي"
*******
واحد تاني
قال: "اسمحلي يا عَمّ صلاح
إني ما اروحش الحرب معاك
عندي عيال عايز اربّيهُم
وانا غلبان
باقْطَع من جسمي وبادّيهُم
لو رُحت معاك -افرض يعنى-
مين هيأكّلهم مِن بَعدي؟
مين -لو رُحت معاك- يراعيهُم؟
أنا عارف.. ربنا موجود
هوا اللي بيرزُق... مش إحنا
بس انا خايف
والبَرَكه ف باقي الرجاله
هُمّا يسدّوا بدالي هناك
وانا هادعيلكُم كل صلاه"
*******
واحد تالت
قال: "انا تاجِر
عندي المصنع والدكّان
ومشاغِل أشكال والوان
أبقى عبيط لو سِبت مصالحي وْجيت ويّاك
لكن هابقى معاكو بقلبي
*******
واحد رابع...
واحد خامس...
سادس...
سابع...
عاشر...
ألف...
كل الناس قالوا: "آسْفين
رُوح وحدك يا صلاح الدين
أحسن إحنا مش فاضيين
لا لجيشك ولا لفلسطين
إيه يعنى أقصانا سجين؟
ما هو في السجن بَقَالُه سْنين
لو بالحرب هنُنصُر دِين...
يِبقى خلاص ما احناش عايزين
إحنا هنقعد منتظرين
وهندعيلَك بالملايين:
يا الله
إِبْعِد عنا صلاح الدين
يا الله
إحنا بحالنا كده راضيين..


يا الله...
*******
بعد ما قالوا كل كلامهم
بَصّ صلاح الدين بعينيه
مالقاش ولا واحد حواليه
يعمل إيه؟
الأرض انشقّت من تاني
علشان تاخدُه
مارضيش ينزل تحت الأرض
عايز يعمل حاجه ف بالُه
فوق "الأرض"
غَيَّر لِبْسُه
ولِبِس زيّ شباب القُدس
نفْس الشكل ونفْس اللون
كان متغاظ
من كل الناس اللي سابوه
جَمّع غِيظُه.. تحت هْدُومُه
ودخل وسط كلاب الأرض.. وفجَّر نفْسُه...
علشان يفضل
زي ما هوا... صلاح الدين
لكن ساب في القدس رساله
بيقول فيها
إنه حزين
علشان جيشُه ما كانش معاه
"جيش حِطّين"
و بيطلُب من كل الناس
اللي بيدْعُوا كل صلاه
لو طلبوه تاني ينصرهُم
لما يقولوا: "يا الله..
رجَّع لينا صلاح الدين"
لازم يدعوا كمان و يقولوا:
يا الله
عايزين جيشُه يكون ويّاه
علشان إحنا مش فاضيين
مش هَنْسِيب المال والجاه
مش هنسيب الدنيا الحلوه وْنِمشي وراه
يا الله...
مش عايزينُه ييجي لوحْدُه
لازم جِيشُه يكون ويّاه
لازم جِيشُه...
يكون...
ويّاه
الرجوع الى أعلى الصفحة اذهب الى الأسفل
محمد محمود محمد مسعود
عضو ذهبي
عضو ذهبي


[img][/img]
كيف تعرفت علينا : بحث جووجل
ذكر
عدد الرسائل : 2880
العمر : 27
المزاج : مش ولا بد
السنة : ثالثة
القسم : مدني
جامعتك : لا
قسم مختلف : -----
احترام قوانين المنتدي :
بلدي :
نقاط : 4719
السٌّمعَة : 16
تاريخ التسجيل : 06/10/2008

مُساهمةموضوع: رد: معجزة – عودة صلاح الدين   السبت يناير 17, 2009 12:51 am

المفروض الاول نعرف كيف كون صلاح الدين الجيش
هو بدا بالاطفال من عمر 4 سنوات وبدا يحفظهم القران الكريم والتعاليم الدينية لمدة تقريبا 16 سنة
حتى كون جيش من حفظة كتاب الله وسنة حبيبه صلى الله عليه وسلم
لذلك انتصر
لننظر الى انفسنا والى الاطفال الصغار الان
حاجة تحزن
ان الله لا يغير ما بقوم حتى يغيروا ما بانفسهم
صدق الله العظيم
وشكرا على القصيدة يا سارة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: معجزة – عودة صلاح الدين   السبت يناير 17, 2009 2:26 am

شكرا على مرورك

الرجوع الى أعلى الصفحة اذهب الى الأسفل
IEEE Chairman
المدير العام
المدير العام


[img][/img]
كيف تعرفت علينا : بحث جووجل
ذكر
عدد الرسائل : 7861
العمر : 27
المزاج : not very good
السنة : رابعة
القسم : اتصالات
محافظتك : الفيوم
جامعتك : الفيوم
قسم مختلف : حابب هندسه كيميا
احترام قوانين المنتدي :
نقاط : 7251
السٌّمعَة : 21
تاريخ التسجيل : 21/05/2008

مُساهمةموضوع: رد: معجزة – عودة صلاح الدين   الجمعة يناير 23, 2009 2:24 am

موضوع جميل جدا يا ساره

فعلا عمر صلاح الدين ما هينتصر لوحده لازم جيش معاه

واحنالمفروض اننا الجيش ده

يا تري ننفع على حالنا ده نبقي جيش صالح الدين اللي هيحرر فلسطين ؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eng-fayoum.forum3.info
زائر
زائر



مُساهمةموضوع: رد: معجزة – عودة صلاح الدين   الجمعة يناير 23, 2009 3:21 am

لو كل واحد ابتدى يصلح من نفسه
ويصلح جواه
ربنا هيكرمنا بأذن الله
بس منقعدش نقول وانا مالي وانا اللي هصلح الكون
الرجوع الى أعلى الصفحة اذهب الى الأسفل
IEEE Chairman
المدير العام
المدير العام


[img][/img]
كيف تعرفت علينا : بحث جووجل
ذكر
عدد الرسائل : 7861
العمر : 27
المزاج : not very good
السنة : رابعة
القسم : اتصالات
محافظتك : الفيوم
جامعتك : الفيوم
قسم مختلف : حابب هندسه كيميا
احترام قوانين المنتدي :
نقاط : 7251
السٌّمعَة : 21
تاريخ التسجيل : 21/05/2008

مُساهمةموضوع: رد: معجزة – عودة صلاح الدين   الجمعة يناير 23, 2009 8:34 am

ان الله لا يغير ما بقوم حتي يغيروا ما بانفسهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eng-fayoum.forum3.info
 
معجزة – عودة صلاح الدين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 

المنتدي العام :: العام

-
انتقل الى: