أهلا و مرحبا بك في منتداك منتدي هندسة الفيوم
تفضل بالدخول عزيزي العضو و ان لم تكن عضوا
يسعدنا جدا أن تكون واحدا من عائلتنا



 
بوابتناالرئيسيةبحـثقائمة الاعضاءالمجموعاتاليوميةالتسجيلمكتبة الصوردخولس .و .ج
شارك معانا من فضلك ولا تكون سلبيا في اعاده تطوير وهيكله المنتدي من فضلك قم باضافه رايك والي شايفه منوجه نظرك وهنسمعك ونحاول ننفذ باذن الله

شاطر | 
 

 يوميات موظف شقيان جدا جدا خالص بشده

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زائر
زائر



مُساهمةموضوع: يوميات موظف شقيان جدا جدا خالص بشده   الجمعة فبراير 06, 2009 5:51 am

شخصيتنا الظريفة هي (عم عويس) ،راجل يا حرام عليه ،عنده ضغط وسكر وموظف بالدرجة 15 ........... طبعا ،واحد عنده أربع عيال زي العفاريت مطلعين عنيه ،متصورين يكون عنده إيه
؟...فراخ مثلا ...


حتى
الفراخ يا ولداه معندهوش ،طبعا ده فراخ الجمعية نفسها بقت ب10 جنيه
الواحدة والتسعيرة نار ، ...قالولنا خلاص ماتكلوش فراخ ...لحسن كمان
الهرمونات شغالة طالعة نازلة لما خلتها دلعة ومعدلهاش طعم ...

خلاص ماشي ... بلاش فراخ .....وبلاش...وبلاش....

.......هو أنا رغاية كده ليه متتكلم يا عم عويس بأه........

آه أقولك إيه أنا حتة موظف غلبان باخد في الشهر كام ملطوش ،بتلطشهم (أم العيال) عالطول وأنا لسه على باب البيت ...
آآآه دانا عندي ست هي كوم ،وال4 مصايب كوم
تاني ....

بس دايما بقول الحمد لله وبصلي الفرض بفرضه برضوا الواحد يروح لربه معقول ..أحسن ولا إيه ؟......

]................................
إنقطع
الارسال مع عم عويس ،وعشان كده ،أمرت محطة (شيل وحط صبر في صبر) ..بإذاعة
شريط مسجل لأحد يوميات (عم عويس) .... حصلت الواقعة بالضبط يوم
(الخميس)...

...............................................

أدينا
شايفيين (عم عويس) أهو .. شايل بطيخة ياعيني إتلقيها من الراجل بتاع
الخضار الي في ميدان (فن التسعيرة وأكل مال الغلابة) الى كان بيقول عليه
حرامي نسيت أقولوكوا إن دي دايما أوصاف (عم عويس)لاي حد مبينزلش معاه مليم
...أصل هيعمل إيه يعني ؟ يقطع نفسه حتت عشان يستريح ومع كده تلاقي في
الراجل ده همة وصبر ،ياآآآآآآه ...

ربنا يديك الصحة ياعم ...
[طلع السلالم ..حبة ..حبة .. حاسب على البطيخة دي بخمسة جنيه بحالها وبعدين إنت مبدجبهاش إلا مرتيين في السنة...

دخل
(عم عويس ) بيته.. أول ما دخل وجد حرمه المصون (أم العيال) رابطة منديل
على راسها... زي العادة .. وعينها مليانة نار وهي بتزعق وتقول شرفت يا
خويا .. ....وبصوت يسمع آخر عمارة في الحي ...شوفت إبنك الكبير ..عمل إيه
عايز يشلني شوفلك صرفة معاه .....


]رد (عم عويس) المسكين وهو محبوس زي الفار في المصيدة وبصوت هادي يقول:يا ستي ..ولا يهمك هدي أعصابك ......
عارفين ديه سياسة(عم عويس) دايما (0الدبلوماسية) ..صحيح راجل سياسة تمام ...
لكن
على مين دا الست (أم العيال ) 10 شياطين راكبين دماغها ،بس أرجع وأقول
معاها حق أصل الواد الكبير ده ،حاجة صعبة خالص ،آل إيه؟.......

عايز يسيب شغلة نائب في مستشفى ميري ويشتغل باليومية في مطعم (نجمة و3/4 ) ولما سألت ليه 3/4 نجمة بالذات ..
قالوا: أصل الربع الباقي
شلتوا الضرايب ... ...أصلهم ماشيين في حركة تأفيش جمدة أوي ...

بس على مين ......... الناس الابهة دول في كافة تانية خالص..
ايوه يا عم ،المرسيدس مدوسهاش ضرايب ...هو إحنا بنلعب ..[
ماهي البلد أهيه زي الفل وكل الناس مرتاحة خالص،وعمالين يعمرو الصحرا أهو شوف
مش شايف ،طب إسمع .. طب مش سامع طب إكشف باه عند جراح لحسن حالتك صعبه أوي ...
]بقولوكوا إيه إحنا بردوا (لينا رب إسمه الكريم )....


اووووووف ..انا دايما كده رغاية ...رغاية ..
إحنا مش كنا مع
(عم عويس) وإبنه أنا مالي أنا ومال الهم ده بس ؟ .....


يتابع عم عويس ويقول لحرمه :
يا
ستي هدي روحك ،وأنا هريحك واتصرف (....ياعيني على الدبلوماسية ) ...عمل
ايه الواد ده ،مش كفاية طفحت دم قلبي عشان يخلص كلية المرض ديه ..

عايز إيه تاني ؟ يروح يشوفلوا أب (30حصان) ولا ملتي سيستم ... أنا مش ناقص .السكر والضغط هيموتوني ..
]والظاهر
غن عم عويس صعب على (أم العيال )ما هي برده عنه متستغناش ...وقليتلوا خلاص
يا خويا متزعلش روحك ،أنا قولت بس إنه محدش بيقدر عليه غيرك ...

]قلها :
ناديهولي ،كبيرالعصابة فينه؟ ....


وجيه
....وأخيرا شفت إبن عم عويس يا آآآآآآه... الواد مالوا كده مبروم زي صباع
الكفتة ...ده كله طب ؟؟؟؟ أومال ..هيعالج العيانين إزاي ده منظره عايز 10
دكاترة يعلجوا أكيد من الهم والنكد ..ماهو معزور برضه عشر سنين من عمر
الواحد مش شويه واخرته إيه نائب في مستشفى ميري ب150 جنيه ...طب صحيح لو
حب يجوز يعمل إيه ؟؟؟؟

]مع إني متأكدة إن إبن (عم عويس) عاقل ومش ممكن يتجرأ و يفكر في موضوع تافه هامشي في الحياة زي ده ...
ده أنا واحد صحبتي حبت تتجوز في يوم قالتلي شوفي (يا فكرة يا
هانم) ...خدي واحد حرامي ،سارق 3بنوك قبل كده ...لحسن البلد خلاص فلوسها هتروح قريب ... ومعدتش الشهادات جايبة همها ....


اوشششششششششششش.. [
انقطع الارسال ،الظاهر فكرة هانم راحت 0أبو زعبل )،لكن مش مشكلة أكيد هترجع تاني أصلها زي الفراخ ب8 أرواح

م ن ق و ل

الرجوع الى أعلى الصفحة اذهب الى الأسفل
demo
عضو ذهبي
عضو ذهبي


[img][/img]
كيف تعرفت علينا : بحث جووجل
انثى
عدد الرسائل : 4571
العمر : 26
المزاج : كويس
السنة : ثانية
جامعتك : اداب
قسم مختلف : -----
نقاط : 5680
السٌّمعَة : 14
تاريخ التسجيل : 25/08/2008

مُساهمةموضوع: رد: يوميات موظف شقيان جدا جدا خالص بشده   الجمعة فبراير 06, 2009 6:30 am

حلو اوووووووووووووووووووووى يا سارة
نص مصربقت عم عويس
ربنا يسترها مع اولادنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: يوميات موظف شقيان جدا جدا خالص بشده   السبت فبراير 07, 2009 2:34 am

يااااااااااااااااااااااااارب
شكرا على مرورك
الرجوع الى أعلى الصفحة اذهب الى الأسفل
 
يوميات موظف شقيان جدا جدا خالص بشده
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 

منتدي الالعاب والفكاهة والمسابقات :: نكتة جديدة

-
انتقل الى: