أهلا و مرحبا بك في منتداك منتدي هندسة الفيوم
تفضل بالدخول عزيزي العضو و ان لم تكن عضوا
يسعدنا جدا أن تكون واحدا من عائلتنا



 
بوابتناالرئيسيةبحـثقائمة الاعضاءالمجموعاتاليوميةالتسجيلمكتبة الصوردخولس .و .ج
شارك معانا من فضلك ولا تكون سلبيا في اعاده تطوير وهيكله المنتدي من فضلك قم باضافه رايك والي شايفه منوجه نظرك وهنسمعك ونحاول ننفذ باذن الله

شاطر | 
 

 روميو وجولييت العصر الحديث

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
IEEE Chairman
المدير العام
المدير العام


[img][/img]
كيف تعرفت علينا : بحث جووجل
ذكر
عدد الرسائل : 7861
العمر : 27
المزاج : not very good
السنة : رابعة
القسم : اتصالات
محافظتك : الفيوم
جامعتك : الفيوم
قسم مختلف : حابب هندسه كيميا
احترام قوانين المنتدي :
نقاط : 7248
السٌّمعَة : 21
تاريخ التسجيل : 21/05/2008

مُساهمةموضوع: روميو وجولييت العصر الحديث   الثلاثاء يونيو 16, 2009 7:53 pm



بدون مقدمات



أتمنى أن تنال القصه إعجابكم


و أترككم مع القصه








( فى المقهى حيث تجلس جولييت بالمقعد المقابل لروميو ، وقد أنهمكا فى لعب الشطرنج )






جولييت :كش ملك




روميو:نعم ..نعم..كش ملك دا أيه ؟




جولييت: أيدك ع العشره جنيه




روميو:أنتى هتنصبى كمان ؟




جولييت:أنا بردو اللى هنصب ولا أنت اللى مش عايز تتطلع العشره جنيه يا بخيل




روميو:الموضوع مش موضوع فلوس يا حبيبتى




جولييت:حبيبتى ، أه .. كل بعقلى حلاوه




روميو:أيه حلاوه وأيه بقلاوه ؟؟ أنتى شكلك داخله على طمع ، أنا مش هديكى قرش واحد




جولييت :خلاص يا بخيل مش عايزه منك حاجه..نادى ع الجرسون يلا




روميو:أنادى ع الجرسون ليه ؟




جولييت:عايزه أشرب شيشه




روميو:أنا ماشى بقى يا جولى أحسن أنا حاسس أنى عايز أنام




جولييت:أنا اللى هدفع




روميو:طيب أطلبى لى عصير قصب بالمره




جولييت:حاضر بس لاعبنى دور دومينو




روميو:كل ده عشان عصير القصب أمال لو قلت لك مانجه هتعملى أيه؟؟




جولييت :نعم وأنت تقدر تقول مانجه ؛ دانا كنت قتلتك




روميو:وأنا مجروئش أطلبها.. أيه رأيك بقى فى نص ساعه رومانيسيه؟




جولييت:لا .. خليها ربع ساعه بس




روميو:زى ما تحب يا قمر..يا عسل..يا جميل




جولييت:هتبدأ بكش من أولها




روميو:مين قال أنى ببكش عليكى..(فى نفسه) بصى فى المرايا وأنتى هتعرفى أنى أكبر كداب فى الدنيا.




جولييت:تعرف يا روميو أنا نفسى بجد الاعبك دور دومينو




روميو:أحنا مش قولنا رومانسيه




جولييت:وهو أنت نطقت




روميو:وحشتينى ياحبى..وحشنى صوتك والكلام الحلو بينا..وحشنى صوتك والغرام
اللى فى عيونا دانا كل حاجه يا عمرى بتفكرنى بيك الو طمنى عليك ......




جولييت:هسسسس..خبرك أسود ومنيل.. انت بتغنى ولا بتنهأ..وبعدين هو أيه اللى
وحشتك ده ، دانا كنت معاك امبارح من الصبح لحد الفجر وأدينى معاك أنهارده
من الصبح كمان يبقى لحقت أوحشك أزاى يا نصاب يا ضلالى؟؟




روميو:أنتى ليه مصره تضيعى اللحظات الرومانسي اللى بنعيشها




جولييت:سيبك من ده كله..بقولك أيه أنت مش ناوى تيجى تقابل بابا




روميو:أقابل بابا .. ليه ؟؟؟؟؟؟؟




جولييت:أنت هتستهبل يا روميو




روميو:والله ما بستهبل.. بجد مش فاهم




جولييت:أقصد أننا نتجوز




روميو:أنا أتجوزك أنتى !؟




جولييت:نعم .. نعم .. نعم .. وهو أنت تطول يا رمه




روميو:ماهو عشان كده أنا مش عايز أتجوزك




جولييت:أزاى؟؟؟




روميو:أنا مرضاش لست الحسن والجمال أنها تتجوز الشاطر حسن




جولييت:وإذا كانت ست الحسن والجمال راضيه بنيله حسن؟




روميو (فى نفسه): ايه ده انا شكلى بتدبس ولا ايه؟




روميو: طيب أحنا مش كنا هنلعب دومينو يا جولى يا حياتى




جولييت:وبعدين يا روميو..أنت مش عايز تتجوزنى ليه؟




روميو:أنا أتمنى يا عسل لكن بصراحه أنا مش مستعد للجواز




جولييت:أزاى




روميو:دانا صايع لا شغله ولا مشغله




جولييت:مش مهم صايع صايع .. أنا موافقه




روميو (فى نفسه): لا كده انا بتدبس رسمى..




روميو: طيب هنعيش فين؟




جولييت:بيتكو واسع بلاش حجج فارغه




روميو:بصراحه بقى كده بابا عايز يجوزنى بنت واحد صاحبه




جولييت:اه..قول بقى أنك لايف على بنت من أياهم.. شفتها فين؟؟أعترف.. الأنكار مش هيفيد




روميو:والله ما شفتها..دا بابا عايز يجوزهالى عشان هى غنيه




جولييت:وهو أنا اللى فقيره؟




روميو:لا..بس هى مؤدبه وأخلاقها....




جولييت:نعم.. نعم.. نعم.. تقصد أيه بقى؟




روميو:مقصدش حاجه..هو فيه فى أخلاقك يا حبى دانتى من القهوه للبيت ومن
البيت للقهوه وعمرك ما خرجتى مع واحد غيرى من يوم ما عرفتينى ، دانتى حتى
عمرك ما أتأخرتى عن الساعه4 الفجر




جولييت:اصل بابا عودنى اصلى الفجر فى البيت




روميو:يا عينى ع الاخلاق..سيبك من ده كله كفايه انك يا حبى لا بتشربى شيشه ولا سجاير ولا أى حاجه تانيه خالص




جولييت:أه طبعا أنا بحب أحافظ على صحتى




روميو:أنا واثق من كده




جولييت:وبعدين يا روميو هنعمل أيه؟




روميو:ولا حاجه...ايه رأيك فى دور كومى؟




جولييت:لا دومينو




روميو:دومينو دومينو...اهى لعبه والسلام


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eng-fayoum.forum3.info
زائر
زائر



مُساهمةموضوع: رد: روميو وجولييت العصر الحديث   الأربعاء يونيو 17, 2009 8:21 pm

يا عيني على الاخلاق
ويا سيدي على الرومانسية
ربنا يهدي كل روميو وجوليت بتوع الايام دي
تسلم ايدك يا بسام

الرجوع الى أعلى الصفحة اذهب الى الأسفل
IEEE Chairman
المدير العام
المدير العام


[img][/img]
كيف تعرفت علينا : بحث جووجل
ذكر
عدد الرسائل : 7861
العمر : 27
المزاج : not very good
السنة : رابعة
القسم : اتصالات
محافظتك : الفيوم
جامعتك : الفيوم
قسم مختلف : حابب هندسه كيميا
احترام قوانين المنتدي :
نقاط : 7248
السٌّمعَة : 21
تاريخ التسجيل : 21/05/2008

مُساهمةموضوع: رد: روميو وجولييت العصر الحديث   الأربعاء يونيو 17, 2009 8:33 pm

sara mostafa كتب:
يا عيني على الاخلاق
فعلا
ويا سيدي على الرومانسية
حاجه لا توصف صح يا ساره ؟
ربنا يهدي كل روميو وجوليت بتوع الايام دي
يا رب
تسلم ايدك يا بسام
الله يسلمك
نورتي الموضوع

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eng-fayoum.forum3.info
 
روميو وجولييت العصر الحديث
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 

منتدي الالعاب والفكاهة والمسابقات :: نكتة جديدة

-
انتقل الى: