أهلا و مرحبا بك في منتداك منتدي هندسة الفيوم
تفضل بالدخول عزيزي العضو و ان لم تكن عضوا
يسعدنا جدا أن تكون واحدا من عائلتنا



 
بوابتناالرئيسيةبحـثقائمة الاعضاءالمجموعاتاليوميةالتسجيلمكتبة الصوردخولس .و .ج
شارك معانا من فضلك ولا تكون سلبيا في اعاده تطوير وهيكله المنتدي من فضلك قم باضافه رايك والي شايفه منوجه نظرك وهنسمعك ونحاول ننفذ باذن الله

شاطر | 
 

 رسالـة من السمـاء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زائر
زائر



مُساهمةموضوع: رسالـة من السمـاء   السبت نوفمبر 14, 2009 12:54 am

صباح الخير يا عمو ..
أنا
مصطفى.. أيوه مصطفى أيمن عفت.. أكيد عارفني.. ده أنا اسمي و«خبري» ملا
الجرايد والتلفزيونات

أبعث لك هذه الرسالة من السماء! أيوه من عند ربنا
حبيت
أقول لماما وبابا مايزعلوش عليا.. أنا هنا أحسن كتير.. بس يا عمو أنا عايز
أحكيلك حكايتي علشان نفسي الولاد والبنات أصحابي في المدرسة والنادي ما
يحصلهمش اللي حصل ليا.. وأكيد إنت عندك أولاد.. همه هيفهموني أكتر منك.. بس
مهم كل الأطفال اللي في سني يعرفوا إني مش زعلان.. كل الموضوع إني خايف
عليهم.. بس



يوم
الأربع اللي فات.. تعبت قوي يا عمو.. حسيت إن وداني و"زوري" جواهم نار..
بابا حبيبي جري بيا على الدكتور اللي متعود عليه.. إداني دوا وكان المفروض
أبقى كويس.. لكن تاني يوم حرارتي زادت قوى.. بابا حبيبي اتصل بالدكتور فلقى
موبايله غير متاح.. فجري بيا على دكتور تاني كتب حقنة «فولتارين»، وطلب من
بابا ياخدني لمستشفى حميات العباسية.. بصراحة يا عمو أنا فرحت قوي لما
عرفت إني هروح مستشفى الحميات الكبيرة والمتطورة اللي بيتكلموا عنها في
الجرايد والتليفزيون.. أنا أصلي كنت تعبان قوي قوي ونفسي في علاج كويس



مش هطول عليك يا عمو.. بابا حبيبي
أخدني لحميات العباسية.. هناك استلمني دكاترة شبان شكلهم كده لسه في
«الامتياز»، كنت ساعتها فاقد الوعى، ولكن حاسس بكل اللي بيدور حواليا..
دخلوني العناية المركزة، وأخدوا "مسحة" من زوري لتحليلها.. نمت في العناية
فترة طويلة ومافيش دكتور كبير أو حتى «نُص نُص» شافني.. بابا حبيبي جاله
انهيار لما طلبوا منه يجيب بلازما وصفائح دم من الخارج.. صرخ وقال لهم: هو
هنا مفيش دم؟

قالوا ببساطة وهدوء: لأ.. مفيش دم.. اتصرف من برة وهات دم
قال:
خدوا دم مني ومن أقاربنا وأصحابنا

قالوا له: مفيش أجهزة لتحليل الفصيلة
هنا

بابا حبيبي غاب ورجع وهو "بينهج" بأكياس الدم
أنا كنت بنزف جامد
قوي قوي يا عمو

بابا
حبيبي مالحقش ياخد نفَسه..

قالوله عايزين أشعة مقطعية.. فقال: اعملوها..
ردوا: مفيش جهاز أشعة هنا

صرخ أبي للمرة الألف وأصر على إخراجي على
مسؤوليته لمستشفى دار الحكمة .. وصلت عربية الإسعاف .. وحطوني على جهاز
التنفس الصناعى.. وإحنا في الطريق يا عمو عرفت إن خلاص مفيش فايدة.. كان
نفسي أتكلم كلمة واحدة.. كان نفسي أقول لبابا حبيبي ماتزعلش إنت وماما
وأختى.. بلغ أصحابي إني بحبهم قوي قوى



في دار الحكمة وصلت نتيجة التحليل اللي
اتأخر جداً جداً.. قالوا إني عندي «أنفلونزا الخنازير».. طيب إزاي سابوني
كل ده من غير علاج.. مش همه اللي بيقولوا إنها بسيطة ويمكن علاجها
بسرعة؟!.. قلت لنفسي مفيش فايدة من الكلام.. أنا خلاص بموت

بصراحة يا
عمو كنت زعلان قوي قوي من اللي حصل ليا.. قلت ليه بيعملوا كده في طفل عمره
تسع سنين؟!.. نمت شوية كتير.. وبعدين لقيت جسمي خفيف!!!! .. خفيف قوي قوى..
وبعدين لقيت نفسي بطير في السما

خلاص .. خلاص مُت يا عمو .. كانت
الساعة خمسة ونص فجر السبت اللي فات.. زعلت قوي قوي إني مش هفرح بابا وماما
بيا.. عارف يا عمو كنت بحلم إني أطلع طيار زي بابا حسني.. أو مسؤول كبير
قوي قوي وليه هيبة زي عمو نظيف.. أو دكتور غني قوي قوي زي عمو حاتم
الجبلي.. كنت بلعب سباحة في النادي الأهلى.. وكرة قدم كمان.. كنت هطلع بطل
رياضي وأشرّف بلدى.. عارف يا عمو رغم كل اللي حصل ليه أنا لسه بحب مصر قوي
ونفسي تفوز بكاس العالم



تاني
يوم وأنا فوق في السما تابعت مؤتمر الحزب الوطنى

وسمعت خطب كل قيادات
الحزب والوزراء..

كلامهم جميل قوي قوي يا عمو..
دي مصر بقت جنة
بس
معقولة يا عمو إن مصر بقت جنة بعد موتي بيوم واحد بس!؟



-مجـدي
الجـلاد

الرجوع الى أعلى الصفحة اذهب الى الأسفل
reem
المراقبة
المراقبة


[img][/img]
كيف تعرفت علينا : بحث جووجل
انثى
عدد الرسائل : 2303
العمر : 27
المزاج : الحمد لله
السنة : رابعة
القسم : -----
محافظتك : المنوفية
خريج : لا
جامعتك : نعم
قسم مختلف : -----
بلدي :
نقاط : 5357
السٌّمعَة : 9
تاريخ التسجيل : 01/07/2009

مُساهمةموضوع: رد: رسالـة من السمـاء   السبت نوفمبر 14, 2009 3:33 am

no comment



ربـّــيْ هــبْ لِــيْ ،، مــن رحـمــتـڪ فـرحـًــآ لآ يــذڪــرنِــيْ ،، بــوجــعـِيْ . .!

the ghost
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eng hhhh
عضو ذهبي
عضو ذهبي


[img][/img]
كيف تعرفت علينا : بحث جووجل
انثى
عدد الرسائل : 4873
العمر : 26
المزاج : تمام
السنة : ثانية
القسم : اتصالات
جامعتك : لا
قسم مختلف : -----
نقاط : 6684
السٌّمعَة : 20
تاريخ التسجيل : 28/12/2008

مُساهمةموضوع: رد: رسالـة من السمـاء   السبت نوفمبر 14, 2009 3:57 pm

فعلا no comment
ايه الناس دى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: رسالـة من السمـاء   السبت نوفمبر 14, 2009 5:22 pm

هي دي مصر
نورتوا

الرجوع الى أعلى الصفحة اذهب الى الأسفل
محمود
عضو مشارك
عضو مشارك


[img][/img]
كيف تعرفت علينا : بحث جووجل
ذكر
عدد الرسائل : 257
العمر : 27
المزاج : عالى
القسم : عام
محافظتك : سوهاج
جامعتك : اكاديميه الشروق
قسم مختلف : مدنى
نقاط : 3142
السٌّمعَة : 1
تاريخ التسجيل : 01/08/2008

مُساهمةموضوع: رد: رسالـة من السمـاء   السبت نوفمبر 28, 2009 8:09 pm

المشكله مش فى مصر ياجماعه المشكله فينا احنا
اننا بنستسلم ومش بنحاول نغيره مصر اجمل بلد فى الدنيا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: رسالـة من السمـاء   الإثنين نوفمبر 30, 2009 5:21 am

يا محمود ماهو محدش عايز يغير
او كل واحد يقول يعني هي جات عليا
عشان كده مصر هتفضل كده
نورتني

الرجوع الى أعلى الصفحة اذهب الى الأسفل
 
رسالـة من السمـاء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 

المنتدي العام :: العام

-
انتقل الى: